KÜLTÜRÜMÜZÜN SOLMAMASI UÇÜN İLLƏRİMİZİ QARALTDIQCA ; SAÇLARIMIZI AĞARTDIQ.

SORUMLU MÜDÜR :

Dr. Hüseyn Şərqidərəcək (SOYTÜRK)

مدیر مسئول دکتر حسین شرقی دره جک (سوی تورک)

30 ایلدیر دیلیمیز و مدنیتمیزین آیاقدا قالماسی اوچون مجادله ائدیرم. 22 ایلدیر خدافرین ژونالی بو آمال اوغروندا نشر اولونور. باشیم چوخ دردلر چکدی. ایستر دوستلاردان یادا دوست اولمویان دیگرلریندن. هر داشین آلتینا الیمی قویدوم بیر ایلان یوواسی ایله قارشیلاشدیم. چوخ سرت اوزلرله قارشیلاشدیم. حقیقت دن اوزاق اولان سورغولارا ایچیم قان آغلایاراق جواب وئردیم.

یالنیز قالدیم. الیمی هر کیمه دوستجاسین اوزاتدیم آرخادان وورولدوم. گوزو گوتورمه ین چوخ اولدو. گوزومو اویماق ایسته ینلر صبیرسیزلیکله فورصت قوللادیلار. غریبجه سینه چاره سیزلیکلری یاشادیم و میللتیمین احوالینا چوخ گوز یاشلاری توکدوم. گئجه می گوندوزومه قاتاراق چوخ زامان تک باشینا بو یوکو داشیدیم.

عایله یه اوزو کولگه لی قالدیم. اونلارین حاقلارینی منیم ساندیغیم مدنیته خرجله دیم. بعضا دوشونورم من نه قدر ظالمجه سینه اوز حاققلاریما ضربه لر ائندیرمیشم. یاشادیغیم توپلومدا یابانجی سانیلدیم. اوزوموزونکولرین گوزونده ایسه دوشمن کیمی آنیلدیم. آنجاق باشیمی دیک توتاراق ایچیم دکی غرورو هیچ واخت کیرلتمه دیم. بعضا حاققیمدا چوخ یانلیش قرارلار وئریلدی. حال بو کی او قرارلاری وئرنلرین مدنیت و اونون قورونماسینین نه اولدوغوندان آنلایشی بئله یوخدور. اونلارین آلدیغی معاشا قوللوق ائدیلر. من ایسه آلمادیغیم معاش ایله میللی وارلیق و کیمللیمیزی قوروماغا چالیشدیم.

نیه آذربایجان انسانی اونو سئونی اوزور گورسن؟ حال بو کی سئوگی اینسانین یگانه امید دیره یی دیر.

بو گونلر اولکه داخیلی چاخناشمالار و یوزلرله جانلارین آرامیزدان گئتمه سی بیر داها منی وجدان آجیسی ایله اوزلشدیردی. دونیا ترققیه یونلدیی دوورده بیز ازیلمه یه و داغیلماغا گئدیریک. بالالاریمیزا گوزل گلجک نامینا هله ده اوزگورلویه اینانیرام. بیگینیز بول و یولونوز آچیق اولسون....