VARLIQ MİLLİ TƏMƏL ƏSASƏNDA OLANDA ELƏ BİL CAN VƏ RUH BİR ARADADİR.
مدیر مسئول و سردبیر :
دکتر حسین شرقی دره جک (سوی تورک)
SORUMLU MÜDÜR VƏ BAŞ YAZAR: Dr.HÜSEYN ŞƏRQİDƏRƏCƏK (SOYTÜRK)
حیات وارلیق دان عیبارت بیر آنلامین تمل آنلایشی ایچریسینده دوغوش دان اونجه و دوغوش دان سونرا آنلام قازانماقدادیر. دونیا دا گورونن و دویولان هر بیر یاراتیق اوز اولوشوم ایچریلیینده بیر وارلیق دیر. و یا بیر وارلیغی اولوشدوران ندن دیر. یئر کوره سی و بوتون عالم اوزو بیر وارلیق اولاراق تمل وارلیغین سببی دیر. تمل و اوزول وارلیق ایسه ماورا اولسا دا گورونن و دویولان وارلیغین تجسسومونده اولوشومونو و وارلیغینغن وار اولماسینی اورتایا قویماقدادیر. دوشلریمیزده اولوشدوردوغوموز وارلیغین وارلیق اساسلاری بئله اوزو بیزیو بیر وارلیق اولمامیزین ندنینی اولوشدورا بیلر.
وارلیقلار بیزه گوره جانلی و جانسیز اولا بیلر . آنجاق بونلارین هامیسی تمل اولوشومون گوسترگه سی کیمی بیزیم دوشلریمیز ده ساخلی دیرلار. دوش و یا مفکوره نین اساس غدا قایناغی جانلی وارلیق ایله یاناشی شعوری وارلیغین اوست یاپیسینین اولوشومو ایله ده معلوم اولماقدادیر.
یان یوره میز دکی هر شئ یا نسنه وارلیق و یا وارلیغین وار اولما گورونومودور. ائله کی بیر داش قیرینتیسی یا دا بیر قاب دولوسو سو یا خود دا گوردویوموز و دویدوغوموز حتی ائشیتدییمیز بیزه وارلیغین آدرسی اولاراق تانیملانمالی دیر. اونا گوره ده بیز ایناناراق گوردولریمیزی و دوشوندوکلریمیز بیز ظریفین ایچینده توپلو صورت ده قادر اولان گوج و وارلیغین بیر پارچاسی کیمی دوشونرک بقا و وار اولماق اوچون اونو روحووزون جان و دینامیزمله بولوشوموندا اورتاق مفهوم ال ده ائتمیش اولوروق. ساده جه وار اولماق یوخ بلکه وار اولان وارلیغا اینان مسئله نین اوزه یینی بوتونلشدیررک یارادیلیشین بیر دوزن حالیندا اولماسینی هر بیر جانلی و جانسیز وارلیقدا معرفت اساسیندا تعریف ائتمکده دیر.
بوتون وارلقلارین اشرفی اولاراق اینسان اوغلو بعضا ساختا یا دا اینسان ایجادی سببلردن ( یانلیش اولوشومدان قایناقلانان بشر ایجادی) اصیل اوز و اوزل وارلیغین کوکلریندن هم ده معناسین دان اوزاقلاشاراق جعلیاتا قاریشمیش اولور.
حیات و بوتون وارلیقلار ذاتینی قورویاراق بللی بیر دیرنجله دییشیم و دونوشومه تابع دیر. بلکله ده دوغرو اساس تمل وارلیغین سنتز سببی ده بورا عاید دیر. آنجاق مکانیکی و گوج تطبیقلی دونوشوم و دییشیملر وارلیقلارین ماهیتینی زده له یرک ازلی وارلیقدان اوزاقلاشماسینا سبب اولا بیلر. اونون دا نتیجه سی وارلیقلارین اوزونو قوروا مکانیزمینین ایشه دوشمه سینه گتیریب چیخارماسیلا بیر آرادا چئوریلیشه ندن اولما احتمالی یارانا بیلر.
هر بیر وارلیغی کناردان مداخله ایله قورولوشونون پوزولماسینا زمین یاراداراق اونون یارانما میسسیاسینی دییشدیرمیش اولوروق. او زامان او وارلیق جبری اولاراق دییشمدن ایرلی گلن بحرانا قارشی اوز جبرینی اورتایا قویموش اولور.
یاپای ذکا. اقلیم دییشیکلیکلری . انسان و دیگر جانلیلارین کولونیزاسیاسی کیمی مداخله جی ایشلر نیجه ده اصل وارلیغین عصیانینا گتیریب چیخارا بیلر. اونون دا سونوجو بوتون وارلیغین یوخلوغا گئدیب چیخماسی اولا بیلر.
البته بو وضعیت کولتو و تحصیل ده اوزونو گوستره بیلر. میثال اوچون زورلا بیر تحصیل یعنی ایتیم اویرتیم سیتمی ایله وطنداشلاری دوغوشلاری وئریلر داساسیندان قوپارماغا جهت گوسترسمه نیز او زامان او وطنداش اوز دوغال وارلیغیندان اوزاقلاشاراق سیزین ایسته دیینیز وارلیغا چئویرلمک ایسته سه بئله ذات یارادیلیشیندا او دییشمه سبب گورمه دییندن او وارلیق یعنی اینسان نه زورلا اوخشادیلان طرف ده نه اوز دوغولوش طرفینه اولاجاق. اصلینده وارلیغا جاهیل جه مداخله وارلیغی نجیب و اصیللیندن محروم ائده بیلر.
دونیا تحصیل سیستمی و اولکه میز ده تک دیللی تحصیل سیتمی بونون عیانی ثبوتودور. یارادانا قارشی ادیلن ناقص اینسان عقلی ایله مداخله قارشیسی آلینماز تخریباتلارا گتیریب چیخاراجاق.
تورک اینسانینی فارس یا خود روش ائلمک سونوج اعتباری ایله هم تورک همده فارس و روسجا زیان وئره بیلر. هر شیی اوز اصلی و ذاتی اوستون ده اینکشاف ائتمه لی عکس حال دا خسته و مریض بیر اورتام اورتایا چیخا بیلر. یارادیلانلاری یارادان اوچون سئومک لازیم.
اونوتمایاق کی هر شئی بو عالم ده هرکسه هر نه یه نه وئریلبسه او یارادانین امانتی دیر. کیمسه کیمسه دن گوجلو و ذکی دئییل. هر شئئ اونوندور و سونون دا اونونا دونجک . ای جاهیل چوخ دا مغرور اولما. بوتون وارلیقلار وار اولدورانیدیر. جاهیللرین مداخله سی ساده جه زیان وئره بیر. تمل اساسیندا و وار اولان دوزن اساسیندا کامیللشمک ان دوغروسودور.
هر دییشیم و دونوشوم اویوم ایچین ده و کونول ایسته یی ایله یاناشی سئوگی و دوغرولوقلا اولمالی دیر.