İZİMİZ TOZUMUZ ; CANIMIZ VƏ RUHUMUZ DƏDƏLƏRİMİZDƏN VƏ ANALARIMIZDAN BU GÜNƏ BU COĞRAFİYALARDA.

مدیر مسول : دکتر حسین شرقی دره جک سوی تورک

Sorumlu müdir : Dr. HÜSEYN ŞƏRQİDƏRƏCƏK SOYTÜRK

 

وار اولماق بیز مجادله دیر. یوخ اولماق و باشقالارینین ایزینده و توزوندا محو اولماق ایسه یئنیمکدیر. بو جوغرافیالاردا درین ایزلره صاحیب اولان دده لریمیزین تورونلاری اولاراق داها چوخ آیدینلاشماق لازیم دیر.

آدیمیزی بئله گرچک معنا دا قورویا بیلمه دییمیز حال دا بوتون وارلیق دیرلریمیز تامامیله دییشیمه و اوزگلشمه یه اوغراماقدادیر. دیلیمیز باشقا دیله چونمکده دیر بونونلا یاناشی یورد یووالاریمیزین آدی دا یابانجیلاشدیریلماقدادیر.

فخر ایله سوی کوکوموزدن واز گئچمکده ییک. ائله بیل گوی دن داش دوشوب باشیمیزا 100 ایلدیر اوزوموزه گله بیلمیریک. یاناسان دییرمان گور نئجه اویودوب بیزی هله ده اوزوموزو تاپا بیلمیریک.

چاغداش یونتم و یونه تیم ایندی بو ایمکانی بوتون اینسانلار اوزلری اولماق اولاناقلارینی ساغلاماقدادیر.یئتر کی بیر آز سیلکینک و باشمیزی آسیمیلاسیون دومانیندان آیدینلاشدیراق.

سوسیال مئدیا و اینترنت ازیجی حتی یوخ ائدیجی گوجه مالیک اولسادا بیزیم کیمی کولتورل اجحافا اوغرامیش خالقلارا مساعد شرایط سونموشدور. حاکیم ازیجی و یوخ ائدیجی مدنی استثمارا شعورلو و عقلی شکیل ده میدان اوخوماقدادیر.محو ائدیجی قاداغالارین شدت و باسقیسینی آزالتمیشدیر. فردی روحو توپلومسال روحا جالاماغا زمین یاراتمیشدیر. فرهنگی تحریم لره یوخ دئمه یه امکان یاراتمیشدیر.

 عصرلر بویو میللی وارلیق و معنوی دیرلریندن غافیل ساخلانمیش توپلولوقلار حال حاضیرده اینترنتین یاراتدیغی امکانلا اقربا و قارداش توپلولوقلارا مدنی آلیش وئریشه باشلامیشدیر. اونلارین فرهنگی بیریکیملریندن فایدالانماغا جهد ائدیلمیشدیر.

مثال اوچون محمد فضولی آذربایجان شاعیری اولاراق بیز بوراداکی تورکلره نه قدر تانیش ایدی دئسک ؟ دوغروسو 10 ایل اونجه بلکه یوز مین ده بیری اونون کیملییندن خبردار ایدی. اما ایندی بو سای مین ده بیر دیر بلکه ده.

یعنی مدنیتلرین و دیللرین سیاسی سرحدلری دئمک اولارکی یوخ اولماقدادیر. یئر کوره سی ایندی هر کسی اوز سوی کوکو اوستونده محکم دورماغا سسله ییر.یئتر کی بیز اوزوموز اولماغا چالیشاق...