Andımız doğruluğumuzdur bu yolda sonuna qədər bərabərik.
مدیر مسئول : دکتر حسین شرقی دره جک (سوی تورک)
Sorumlu müdir : Dr.Hüseyn Şərqidərəcək SOYTÜRK
ایکی آی دیر سیزلرله گوروشموروک . بو چوخ اوزون زاماندیر. آنجاق اووموزدن آسیلی اولومویان ندنلر واردیر.
بیرچوخ خدافرین سئورلر مختلیف یوللارلا درگیمیزین چیخماماق سببلرینی اویرنمک ایسته دیلر و حتی یانیمیزدا اولدوقلارینی سویله دیلر.
بو آراجلا بوتون قایغی چکن اینسانلاریمیزا درین سئوگی و سایقیلاریمی بیلدیرمک ایسته ییرم.
آنجاق ایچینده اولدوغوموز دورومدان دولایی و بیرده مادی سیخینتیدان قایناقلانان سببلر اوزوندن درگیمیز یایملانمادی. بیرده اوسته گل منیم شخصی مسئله و ساغلیق سورونلاریم دا بونا اک اولدو.
ایندی تانریا شوکورلر اولسون کی درگیمیز ایشیق اوزو گورومه یی باشاردی.
سایقی دیر خدافرین اوخویانلاری و میللی – معنوی دیرلریمیزه اونم وئرن بوتون هرکسه اوز مینت دارلیغیمی بیلدیرمک ایسته ییرم .
اصیل میللتیم بیلیرکی بیز اونون وارلیغی یولوندا بوتون وارلیغیمیزی قویموشوق و سونونادک دا بئله اولاجاقدیر.
مطبوعات ایشی هر زامان چوخ چتین و سوروملو ایشدیر. هله – هله سنین یایینلادیغین مطبوعات ایسه میللی دیرلری قورویان بیر اورگان اولورسا اونون یوکو و مسئولیتی داها آغیردیر.
هم یاری قورومالیسان هم ده سری. لاکن بیر یئرده بیرین دن واز گئچمه لی اولماق زوروندا قالدیغیندا یقین کی سر دن گئچمه یی ترجیح ائدیرسن.
تورکون توره سی اساسلارینا اویغون اولاراق یاری قربان وئرک اولماز . اما من 20 ایل خدافرین نشر ائتمکله بوتون حاق و اوزگورلوکلریمدن واز گئچدیم.
سئوگی و سئونلریمدن هم ده مادی ایمکانلاریمدان اولوسوم نامینه واز گئچتدیم. زور شرطلرده حیاتی سوردورمک مجبوریتینده قالدیم. اوزومو و منی سئونلری هر زامان چتین دورومدا قویدوم.
بونلارا باخمایاراق تانرینین منه و بیزه آییردیغی بو گوره وی ده بورایا قدر یعنی 20 ایل سوردورمه یی باجاردیق. خدافرین درگیسیله یاناشی 100 لرله کیتاب اولوسوموزا ارمغان ائتدیک. مدنیت قله سینی انشا ائتمک اوچون دیرناقلاریمیزلا داش قازدیق. بو یولدا منی یالنیز قویمویان عایله مه و آرخاداشلاریما و بوتون اولوسوما هم ده اوز دیل و ادبی – مدنی وارلیغینی سئونلره اوز سایقی و سئوگیمی گوندرریم. سونونا قدر یولوموزا داوام ائده جییک انشالله.چونکو "تورک سو کیمی دی بیر یئرده قالسا ایله نر"
زامانین ایجابی آییق و ساییق اولماق لازیم . او جمله دن استکبارین فعلینه اویماماق شرط دیر.
وطن / اوزگورلوک / شرف نامینه بوتون ظالیملرین شرفسیز اویونلارینا قارشی مجادیله و گئنه مجادیله. اونوتماییق کی بیزی بیزدن باشقا سئون یوخدور.
Andımız doğruluğumuzdur bu yolda sonuna qədər bərabərik.
مدیر مسئول : دکتر حسین شرقی دره جک (سوی تورک)
Sorumlu müdir : Dr.Hüseyn Şərqidərəcək SOYTÜRK
ایکی آی دیر سیزلرله گوروشموروک . بو چوخ اوزون زاماندیر. آنجاق اووموزدن آسیلی اولومویان ندنلر واردیر.
بیرچوخ خدافرین سئورلر مختلیف یوللارلا درگیمیزین چیخماماق سببلرینی اویرنمک ایسته دیلر و حتی یانیمیزدا اولدوقلارینی سویله دیلر.
بو آراجلا بوتون قایغی چکن اینسانلاریمیزا درین سئوگی و سایقیلاریمی بیلدیرمک ایسته ییرم.
آنجاق ایچینده اولدوغوموز دورومدان دولایی و بیرده مادی سیخینتیدان قایناقلانان سببلر اوزوندن درگیمیز یایملانمادی. بیرده اوسته گل منیم شخصی مسئله و ساغلیق سورونلاریم دا بونا اک اولدو.
ایندی تانریا شوکورلر اولسون کی درگیمیز ایشیق اوزو گورومه یی باشاردی.
سایقی دیر خدافرین اوخویانلاری و میللی – معنوی دیرلریمیزه اونم وئرن بوتون هرکسه اوز مینت دارلیغیمی بیلدیرمک ایسته ییرم .
اصیل میللتیم بیلیرکی بیز اونون وارلیغی یولوندا بوتون وارلیغیمیزی قویموشوق و سونونادک دا بئله اولاجاقدیر.
مطبوعات ایشی هر زامان چوخ چتین و سوروملو ایشدیر. هله – هله سنین یایینلادیغین مطبوعات ایسه میللی دیرلری قورویان بیر اورگان اولورسا اونون یوکو و مسئولیتی داها آغیردیر.
هم یاری قورومالیسان هم ده سری. لاکن بیر یئرده بیرین دن واز گئچمه لی اولماق زوروندا قالدیغیندا یقین کی سر دن گئچمه یی ترجیح ائدیرسن.
تورکون توره سی اساسلارینا اویغون اولاراق یاری قربان وئرک اولماز . اما من 20 ایل خدافرین نشر ائتمکله بوتون حاق و اوزگورلوکلریمدن واز گئچدیم.
سئوگی و سئونلریمدن هم ده مادی ایمکانلاریمدان اولوسوم نامینه واز گئچتدیم. زور شرطلرده حیاتی سوردورمک مجبوریتینده قالدیم. اوزومو و منی سئونلری هر زامان چتین دورومدا قویدوم.
بونلارا باخمایاراق تانرینین منه و بیزه آییردیغی بو گوره وی ده بورایا قدر یعنی 20 ایل سوردورمه یی باجاردیق. خدافرین درگیسیله یاناشی 100 لرله کیتاب اولوسوموزا ارمغان ائتدیک. مدنیت قله سینی انشا ائتمک اوچون دیرناقلاریمیزلا داش قازدیق. بو یولدا منی یالنیز قویمویان عایله مه و آرخاداشلاریما و بوتون اولوسوما هم ده اوز دیل و ادبی – مدنی وارلیغینی سئونلره اوز سایقی و سئوگیمی گوندرریم. سونونا قدر یولوموزا داوام ائده جییک انشالله.چونکو "تورک سو کیمی دی بیر یئرده قالسا ایله نر"
زامانین ایجابی آییق و ساییق اولماق لازیم . او جمله دن استکبارین فعلینه اویماماق شرط دیر.
وطن / اوزگورلوک / شرف نامینه بوتون ظالیملرین شرفسیز اویونلارینا قارشی مجادیله و گئنه مجادیله. اونوتماییق کی بیزی بیزدن باشقا سئون یوخدور.