AZƏRBAYCAN MƏDƏNİYYƏTİNDƏ DİRÇƏLİŞ QIĞILCIMLARI
Sorumlu Müdür və Baş yazar:
Dr.Hüseyn Şərqidərəcək (SOYTÜRK)
مدیر مسئول و سر دبیر : دکتر حسین شرقی دره جک
دیلیمیز و بوتون وارلیغیمیز 100 ایلدیر چوخ ازیجی بیر باسقینین آلتیندا اینله مکده دیر. آیدینلاریمیزین عظمی چابالارینا رغما آیاقدا قالماغی باجارساقدا هرگون چوخ شئی ایتیرمکدییک. ان آزی دیلمیز چاغداش تکنولوژی تئرمینلریندن محروم قالماقدادیر. بیزیم دیلیمیز و میللی وارلیغیمیز جان چکیشن بیر خسته یه بنزه ییر. یعنی جانیمیزین هارایندایکن دونیا مدنیتینین سرعت قاطاریندان گئری قالیریق. یاشاماق یئرینه دیری قالماق هاراینداییق. مدنییتمیز ایچ و دیش باسقیلارلا اولدورولور.
ایچریدکی ساتقینلار کیملرین گونلو خوش اولسون دییه هر گون بیزیم وارلیغیمیزا ایفترا آتماقدادیرلار. بیز یئشردیکجه اونلارین قارنینا سانجی دولور. بیز اوجالدیقجا اونلار قیسسالیرلار. تورکه فوبیا اونلارین پانیک آتاقینا چئوریلیب. دیشاریدان ایسه یالین یالاواج قالان دیلیمیز و اویغارلیغمیز یابانیجه باشقا آرخالی مدنیتلرین باسقیسینا معروض قالماقدادیر.
هر گون اولوم –قالیملا مجادله ائدرکن بو چتین یولدا برکیمیش و دیری قالمیش اویقارلیغیمیز یولونون داشلی و چینقللی اولماسینا باخمایاراق یاشام و انکیشاف ائتمه یه قرارلی گورونور.
هر بیر آنانین آغزیندان چیخان تورکجه سوز و کلمه اوخ کیمین دشمنلرین قلبینه باتیر. شانی اوجا و اونو(ünü ) جهانشمول اولان اصیل و اصالت صاحبی اولوسوموز بوتون سرت آشامالاردان آلینی آچیق چیخماغی باجارمیشدیر. بو گونلرده باخمایاراق آدینی مسئول قویوب آنجاق بیزیم فرهنگیمیز داش آتانلاردا اولموشدور. بونونلا یاناشی خالقین وطن سئور اوولادلری آذربایجانیمیزین هر گوشه سیندن گونش تک چیخاراق تئاتر صحنه لرین ده آنالارینین قوتسال دیلینی زیروه لره داشمیشدیرلار. کولک اسدیکجه کولون آلتینداکی اود اوزونو گوسترمه باشلامیشدیر.
تبریز- اورمو و دیگر شهرلردن اوجالان سسلر بوتون خالقین اوره یینجه اولموشدور. والله معجزه دیر بو میللت نه تحصیل امکانی وار نه ده مکتبی و رادیو تلویزیونو اما فرصت اولان کیمی گئنه قینیندان دوغماغی باجارییر. یاشا چوخ یاشا ای شانلی خالقیم.
تبریزده یئددی تورکجه تئاتر صحنه سی
1. اولولری قویلایین
2. داملار تاوانلار
3.کوراوغلو
4. قاچاق نبی
5.پینوکیو
6. جیرتدان
هرگون یاساقلارا سینه گرن تورک میللتی تاریخین قارانلیق صحیفه لرینی اوز نورو و گونشی ایله آیدینلاتماغی باجارمیشدیر.