پروفسور غضنفر پاشایئو
طالعدن گلن عومور پاييمدا بير چوخ اولکه‌لرده اولموش، سفر قئيدلري و حتتا کيتابلار دا چاپ ائتديرميشم. لاکين نويابرين 10-17-سي آراسي سورييايا سفريميزي اهمييتينه گوره هئچ بير سفرله موقاييسه ائتمک اولماز. بو سفرين هيجانلي آنلاري بير عومره بس ائدر.
بيز سورييايا آذربايجان پرئزيدئنتي جناب ايلهام علي‌يئوين تشببوثو و تاپشيريغي ايله آذربايجان سفيرلييي‌نين اوغورلا حياتا کئچيرمکده اولدوغو موقددس بير ايشين يئرينه يئتيريلمه‌سينده يارديمچي اولماق آماجي ايله گلميشديک.
نوماينده هئيتينه مدنييت و توريزم ناظيرلييي‌نين شوعبه موديري فيکرت بابايئو، حيدر علي‌يئو فوندونون معماري روستم موختاروو، برپاچي تئلمان کريملي، ميللي علم‌لر آکادئميياسيندان آکادئميک بکير نبي‌يئو، آکادئمييانين موخبير عوضوو تئيمور کريملي، ف.ع.ن. سعادت شيخي‌يئوا و من داخيل ايديک.
باکي‌دان بيرباشا حلبه اوچان طيياره‌ميزي هاوا ليمانيندا سفيريميز ماهير علي‌يئو و سفيرلييين ايشچي‌لري قارشيلاديلار. «عريقا» آدلانان سليقه-ساهمانلي مئهمانخانادا يئرلشديک و مئهمانخانانين زاليندا حلب واليسي‌نين موعاويني، جناب محمد کاججاه و حلب مدنييت ايداره‌سينين موديري محمد قاتتانلا گوروشدوک. ائله بوراداجا بيزه نسيمي‌نين مقبره‌سينين باخيجي‌سي، اوجابوي بير شخصي – محمد نسيمي‌ني تقديم ائتديلر. مات قالميشديق. تصادوفه باخ، محمد نسيمي م.عابدوللايئوانين «نسيمي» پورترئتينه و راسيم بالايئوين ياراتديغي نسيمي اوبرازينا اوخشاييردي.
جناب محمد کاججاهين بير جومله‌سي هاميميزي هيجانلانديرميشدي: «بيز هاميميز نسيمي‌نين اوولادلاريييق».
سئوينجدن اوزوموزه يئر تاپميرديق. دوغرودور، بيز نسيمي‌يه حلبده ياخشي موناسيبت اولدوغونو بيليرديک. من اوزوم حلبده نسيمي‌نين آدينا کوچه و تکيه اولدوغونو، شاعيرين مسجيدده دفن اولوندوغونو، قوهوم‌لارينين 15-جي عصردن باشلاياراق مسجيدين هئيتينده باسديريلديقلاريني، قبري‌نين اوستونده «شئيخ نسيمي» يازيلديغيني دفعه‌لرله آذربايجاندا و ايراقدا چاپ اولونان مقاله‌لريمده گوسترميشديم.
آز سونرا هاميميزين صبيرسيزليکله گوزله‌ديييميز آن گليب چاتدي. جناب محمد کاججاه، محمد قاتتان و سفيريميز ماهير علي‌يئو باشدا اولماقلا نسيمي‌نين مقبره‌سيني زييارته يولا دوشدوک. نه گيزله‌ديم، چوخ هيجان کئچيريرديم. منبع‌لره اساسن يازديقلاريم گوره‌سن حقيقتن اوزاق دئييل کي، دئيه فيکيرلشيرديم. آللاها شوکور کي، يازديقلاريملا گوردوکلريميز اوست-اوسته دوشدو. آکادئميک بکير نبي‌يئوله نسيمي‌نين مزاريني قوجاقلاييب اوپه‌نده گوز ياشلاريميزي ساخلايا بيلمه‌ديک.
نسيمي‌نين مزاري‌نين اوستونده عربجه يازيليب: «بو، شهيد بنده، بويوک صوفي عاريف، آللاهين دوستو، شئيخ علي عيمادالدين نسيمي‌نين قبري‌دير. او، 824 هيجري ايلينده (اصلينده 820 هيجري – ق.پ.) شهيد اولموشدور. آللاه اونا رحمت ائله‌سين. قبري موقددس اولسون».
نسيمي تکيه‌سينده گوزل حرفلرله لووحه‌ده يازيلميشدير: «حضرتي نسيمي تکيه‌سي». آشاغيدا ايسه تکيه باره‌ده معلومات وئريلميشدير: «نسيمي تکيه‌سي قديم بير مسجيد ايدي. بورادا 820 هيجري- 1417 ميلادي ايلينده عيمادالدين نسيمي دفن ائديلميشدير. تکيه اونون آدي ايل آدلانديريلميشدير. بو، مملوک سولطاني مليک الموييد شئيخين زامانيندا (مملوک دوورونده) اولموشدور».
شاعيرين مقبره‌سيندن سئوينج و کدر دولو حيس‌لرله دوندوک.
والي‌نين موعاويني جناب محمد کاججاه بيزدن آيريلاندا «موحترم موشاوير، دونيادا بويوک شخصييت‌لر چوخ اولوب. لاکين ماکئدونيالي ايسکندر داخيل اولماقلا، اونلارين چوخونون قبري ايتيب، يوخا چيخيب. نسيمي ايسه آللاهين کرامتي ايله 600 ايله ياخيندير کي، حلب شهري‌نين مرکزينده اويويور. اونو سيز قورويوبسونوز. بونا گوره بيز سورييا دوولتينه، سورييالي‌لارا ميننتداريق». – دئديم. آکادئميک بکير نبي‌يئو علاوه ائتدي: «علي‌الخوصوص حلبلي‌لره». موشاوير چوخ ممنون اولدو.
ائرته‌سي گون حلب واليسي جناب تامير الحججي ايله اونودولماز بير گوروش اولدو. بو، ائله-بئله گوروش دئييلدي. تاريخي گوروش ايدي. والي هاميميزلا گوروشه‌ندن سونرا دئدي: «ياراداندان تمننا ائدک کي، بو گوروش علاقه‌لريميزه تکان وئرسين. من حيس ائديرم کي، بئله ده اولاجاق. نسيمي ايله باغلي موشترک عئلمي کونفرانس، شاعيرين مقبره‌سينين و اطرافي‌نين آبادلاشديريلماسي مسله‌سي منه ممنونلوق گتيرير. کئچميشه ائحتيرام بويوک ايشدير».
بوتون گوروشلرده ايشتيراک ائدن، بيزي ايستيقامت‌لنديرن سفيريميز جاواب نيطقينده دئدي: «آذربايجان نوماينده هئيتينه عئلم و مدنييت آداملاري، ائله‌جه ده گورکملي مئعمارلار داخيلدير. جناب والي، بيز سيزينله هم مدنييت، هم عئلم، هم ده تاريخن عئيني‌ييک. حتتا خاريجي گورکمده ده سورييالي‌لار و آذربايجانلي‌لار آراسيندا چوخ اوخشارليق واردير. قورور حيسسي ايله دئمک ايسته‌ييرم کي، تاريخيميزين قيزيل حرفلرله يازيلان دوورو باشلاييب. بيز ايندي آزاديق. دوولتيميز موستقيل‌دير. امينم کي، آللاهين کومه‌يي ايله عرب-آذربايجان، او جومله‌دن ده آذربايجان-سورييا علاقه‌لري قووت‌لنه‌جک».
بوندان سونرا موشترک برپا کوميسسيياسينين رأيي دينله‌نيلدي و گوستريش وئريلدي کي، والي‌نين موعاويني محمد کاججاهين رهبرلييي ايله کوميسسييا ايشي داوام ائتديرسين. او دا خوصوصي وورغولاندي کي، نسيمي‌نين مقبره‌سي و مسجيد تاريخي آبيده کيمي يونئسکو-نون نظارتينده اولدوغونا گوره ديوارلاردا و تاواندا چاتلارين اولدوغو گوستريلسين و برپا ايشلرينين ضروري‌لييي اساسلانديريلسين.
بئله‌ليکله، ف.بابايئو و مئعمارلار سورييالي همکارلاري ايله داواملي تدقيقاتا باشلاديلار کي، بير نئچه وارييانتدا تکليف‌لريني وئرسينلر. بيز ايسه نسيمي‌يه حصر اولونموش ايکي‌گونلوک موشترک عئلمي کونفرانسا باشلاديق. بيرينجي گون کونفرانس حلب شهري‌نين مدنييت مرکزي‌نين بويوک زاليندا کئچيريلدي. کونفرانسين آچيليشيندا جناب محمد قاتتان، جناب محمد کاججاه و سفيريميز ماهي علي‌يئو چيخيش ائتديلر. جناب محمد قاتتان نسيمي ياراديجيليغينا نظر سالدي و سورييادا نسيمي‌يه بير شاعير و شخصييت کيمي بويوک ائحتيرام گوستريلديييني قئيد ائتدي.
حلب واليسي‌نين موعاويني جناب محمد کاججاه ايسه چيخيشيندا نسيمي‌نين مزاريني زييارتيميزدن، شاعيرين اويودوغو مسجيددن، نسيمي تکيه‌سيندن، نسيمي آدينا کوچه‌دن، نسيمي عاييله‌سينين مسجيدين حيطينده‌کي قبيرلريندن، نسيمي شجره‌سينين داوام ائتديييندن، نسيمي مقبره‌سينين قورونماسينا مسول شخص محمد نسيمي‌دن و ساييردن سوز آچدي. نسيمي‌نين اويودوغو حلبده آنادان اولان جلال‌الدين رومي کيمي بويوک شخصييت‌لردن بحث ائتدي. نسيمي مقبره‌سينين حلب شهريني شرفلنديرديييني خوصوصي وورغولادي. – نسيمي ايله بيز فخر ائديريک. او، هم سيزين، هم ده بيزيم شاعيريميزدير، دئدي. آذربايجانين سوريياداکي سفيري ماهير علي‌يئو سورييا ايله آذربايجانين اينکيشافيندان، آزادليق موجاديله‌سينده اوخشارليقلاردان، سورييادا سابق پرئزيدئنت حافيظ اسدين، آذربايجاندا اولو اوندريميز حئيدر علي‌يئوين خالق قارشيسيندا خيدمتلريندن، پرئزيدئنت ايلهام علي‌يئو و پرئزيدئنت بشار اسدين اولکه‌لريميزين گله‌جه‌يي نامينه تيتانيک فعالييتيندن دانيشدي. نسيمي ايله باغلي پرئزيدئنتيميزين تشببوثو و تاپشيريغيندان سوز آچدي و دئدي کي، جمعي آلتي آي بوندان اونجه مني سورييايا سفير گونده‌رنده موحترم پرئزيدئنتيميز گوستريش وئردي کي، ائعتيمادنامه‌مي سورييا پرئزيدئنتينه تقديم ائده‌نده نسيمي‌نين مقبره‌سينين و اطرافي‌نين آبادلاشديريلماسينا ايجازه وئريلمه‌سي باره‌ده پرئزيدئنتيميزين ايسته‌ييني اونا چاتديريم. نه‌اينکي ايجازه وئريلدي، پرئزيدئنت بشار اسد موشترک کوميسسييانين ياراديلماسي باره‌ده گوستريش وئردي. بودور، دونن و بو گون موتخصصيص‌لر بيرگه چاليشيرلار. نسيمي‌نين نه‌اينکي مقبره‌سي، تکيه‌سي، اويودوغو مسجيد برپا اولوناجاق، اطرافي دا قايدايا ساليناجاق. بوتون بونلارا گوره سورييا پرئزيدئنتي موحترم بشار اسده ميننتدارليغيميزي بيلديريريک. عئيني زاماندا، آذربايجان نوماينده هئيتينه هر جور کومکليک گوسترن حلب واليسي جناب تامير الحججي‌يه و موعاويني جناب محمد کاججاها تشککورلريميزي چاتديريريق.
آچيغيني دئييم کي، سفريميزين تاريخي اهمييتيني سفيريميزين چيخيشيندان سونرا دريندن دويدوم. سفيريميزين دئدييينه گوره، بو ايلين اييول آييندا (2008) ايسلام اولکه‌لرينين توريزم ناظيرلرينين 6-جي کونفرانسيندا ايشتيراک ائدن مدنييت و توريزم ناظيريميز ابوالفضل قارايئو ده سورييا مدنييت، توريزم، ائله‌جه ده خاريجي ايشلر ناظيرلري ايله گوروشلر زاماني بير داها نسيمي ايله باغلي بو موقددس مسله‌ني گونده‌مه گتيرميشدي. بوتون بونلاري بيله‌ندن سونرا عاليم‌لريميز کونفرانسدا چيخيش ائتمه‌يه حاضيرلاشديلار.
کونفرانسدا «آذربايجان شئعرينده نسيمي موعجوزه‌سي» مووضوسوندا معروضه اوچون ايلک سوز آکادئميک بکير نبي‌يئوه وئريلدي. سونرا سورييالي عاليم، واختي‌يله حلب اونيوئرسيتئتي‌نين رئکتورو اولموش پروفئسور دوکتور بکري شئيخ امين نسيمي ياراديجيليغينا دايير معروضه ائتدي. معروضه‌سيني بو جومله ايله بيتيردي: «نسيمي‌نين بيزيم اولکه‌ده اويوماسي بيزه شرف گتيرير».
آ.م.ع.آ-نين موخبير عوضوو تئيمور کريملي «نسيمي ياراديجيليغيندا هومانيزم» مووضوسوندا، سورييالي عاليم دوکتور محمد کمال «نسيمي‌نين قتلي و سبب‌لري» مووضوسوندا معروضه ائتديلر. بوتون معروضه‌لر بويوک ماراق دوغوردو. بونو زالدا ايله‌شن‌لرين چوخ‌سايلي سواللاريندان دا گورمک اولوردو. ماراقلي‌دير کي، کونفرانس باشلاناندا زالدا يئرلرين ياريسي بوش ايدي. کونفرانسين سونونا ياخين بير يئر بئله بوش قالماميشدي. بو، عاغيللي آداملارا مخصوص اينجه يومورو ايله سئچيلن بکير موعلليمين ديققتيندن يايينميردي: «دئيه‌سن معروضه‌لريميز او قدر خوشونوزا گليب کي، تئلئفون آچاراق دوست-تانيشلاري دا دعوت ائديبسينيز».
بکير موعلليمين ظارافاتي يئرينه دوشموشدو. هامي ال چالدي، آغ‌ساققال عاليميميزي آلقيشلادي.
آخشام ساعات 9-دا مطبوعات کونفرانسي اولدو. کونفرانسدا نسيمي‌يه دايير وئريلن سواللاردان بئله قناعت حاصيل اولدو کي، حلب شهرينده شاعيره لاقئيد دئييللر. شاعيرين مقبره‌سينين زييارتگاها چئوريلمه‌سي ايسه اونون ياراديجيليغينا و شخصييتينه ائحتيرامدان خبر وئرير. کونفرانسدا آذربايجان-سورييا علاقه‌لرينه دايير سواللار دا جاوابلانديريلدي.
آذربايجاندا نسيمي ياراديجيليغينا دايير هانسي ايشلر گورولوب سوالينا آکادئميک بکير نبي‌يئو هرطرفلي جاواب وئردي. س.مومتازين 1926-جي ايلده چاپ اولونان کيتابيندان باشلاياراق، آکادئميک ح.آراسلي، پروفئسور م.قولوزاده، پروفئسور ج.قهرمانوو، آ.م.ع.آ-نين موخبير عوضوو ع.صفرلي، پروفئسور ز.قولوزاده و باشقالارينين تدقيقاتلاريندان سوز آچدي. اونو دا علاوه ائتدي کي، باکي‌دا نسيمي‌نين موحتشم هئيکلي اوجالير، ميللي عئلم‌لر آکادئميياميزين ديلچي‌ليک اينستيتوتو و باکي‌نين ان بويوک رايونلاريندان بيري شاعيرين آديني داشييير. شاعيرين 600 ايلليک يوبلئيي ايله علاقه‌دار باکي‌دا بئينلخالق کونفرانس کئچيريليب. عاليم حلب شهرينده نسيمي‌يه دايير موشترک کونفرانسين کئچيريلمه‌سيني گورولن ايشلرين داوامي و منطيقي نتيجه‌سي کيمي قييمت‌لنديردي.
ائرته‌سي گون کونفرانس اوز ايشيني حلب اونيوئرسيتئتي‌نين بويوک زاليندا داوام ائتديردي. اونو دا دئييم کي، اونيوئرسيتئتده 130 مين طلبه تحصيل آلير. اونلارين 35 ميني فيلولوگييا فاکولته‌سينين طلبه‌لرينين پايينا دوشور. کونفرانسين ايکينجي گونو ايلک معروضه ايله من چيخيش ائتديم: «نسيمي‌نين ايراق ديواني و شاعيرين حيات و ياراديجيليغينا يئني باخيش» مووضوسوندا معروضه‌مده گوسترديم کي، نسيمي‌نين ايراق ديوان نوسخه‌سي ان موکممل، گئنيش ال‌يازما نوسخه‌سيدير.
شوبهه‌سيز، بونا گوره‌دير کي، نسيمي‌نين آيريجا کيتاب کيمي چاپ اولونان يئگانه ديوان نوسخه‌سيدير (باخ: عيمادالدين نسيمي. ايراق ديواني. باکي، «يازيچي»، 1987، 336 ص)
نسيمي‌نين ايراق ديوان نوسخه‌سي اوزه‌رينده تدقيقات آپارارکن قريبه بير منظره‌نين شاهيدي اولموشدوم. ديوان نوسخه‌سينده يئر آلان شئعيرلرين اوچده بير حيصصه‌سيندن چوخو آللاها، ايسلام دينينه، پئيغمبريميزه و باشقا موقددس‌لره حصر اولونوب. سوويئت دونمينده بو باره‌ده سوز آچماق آسان دئييلدي. اودور کي، کيتابدا اونلارين يالنيز ايلک و سون بئيت‌لريني وئره بيلميشديم (ص. 256-279).
بو شئعيرلردن حاصيل اولان قناعت اودور کي، نسيمي‌نين آللاها سئوگيسي حودودسوزدور. بئله اولان حالدا اونون آللاهسيزليقدا تقصيرلي بيلينه‌رک قتله يئتيريلمه‌سي نه قدر اينانديريجي اولاردي؟ آپارديغيميز تدقيقاتلار بيزيم حاقلي اولدوغوموزو ثوبوت ائتدي. حلب جانيشيني يشبک عابدوللاه اليوسيفي‌نين ايصرارلا شاعيرين اولومونه فتوا وئريلمه‌سيني طلب ائتمه‌سينه باخماياراق، حلب قاضي‌لري فتوادان ايمتيناع ائتميشديلر. بلکه بو ايشده شاعيرين ديني شئعيرلري ده اونلارين دادينا چاتميشدي، بيلميرم. بير اونو بيليرم کي، شاعيري ديني گوروشلرينه گوره دئييل، سيياسي باخيشلارينا گوره ائعدام ائتميشديلر. بونو ميصير سولطاني موييدين امريندن، ائله‌جه ده شاعيرين موعاصيرلري ايبن حجر الاسلقاني (1372-1449)، شمس‌الدين سخاوي (1427-1497)، مووفق‌الدين احمد ايبن ايبراهيم الحلبي (15-جي عصر) و باشقالارينين اثرلريندن ده گورمک اولور. گون کيمي آيديندير کي، نسيمي ديني ائعتيقادينا گوره ائعدام ائديلسه‌يدي، مسجيدده دفن اولونمازدي، اونا مقبره تيکيلمزدي. توربه‌سي زييارتگاها چئوريلمزدي. آدينا کوچه قويولمازدي، تکيه‌سي اولمازدي. تکيه‌نين اوستونده «حضرت-ي نسيمي»، توربه‌سينين اوستونده «شئيخ نسيمي» يازيلمازدي.
من دانيشديقجا حيس ائديرديم کي، منيمله ياناشي اوتوران حلب موفتيسي دوکتور ماحمود اککام هيجان کئچيرير. ناراحات اولدوم. فيکيرلشديم کي، بلکه منيمله راضيلاشمير. لاکين بئله دئييلميش. بورادا خوصوصي وورغولاماغا دير کي، ائله موفتي‌نين کونفرانسدا ايشتيراکي‌نين اوزو نسيمي‌نين روحونا بويوک ائحتيرام ايدي. لاکين او، مندن سونرا «نسيمي و صوفي‌ليک» مووضوسوندا چوخ ماراقلا قارشيلانان معروضه ائتدي. دوکتور ماحمود اککام معروضه‌يه باشلامازدان اوول دئدي: «پروفئسور پاشايئوين معروضه‌سيندن چوخ تأثيرلنديم. نسيمي‌نين باشينا گتيريلن بلالارا، اونا وئريلن ايشگنجه‌لره گوره عوذر ايسته‌ييرم. بو حلبلي‌لرين ايشي دئييل، حلبده‌کي گلمه‌لرين و اونلارين هاوادارلارينين ايشي ايدي. تسلليني اوندا تاپيريق کي، حلب نسيمي‌ني اوز اوغلو کيمي قوينوندا اويوتدو و بو گون ده اويودور. من نسيمي‌يه هميشه دوعا اوخويورام. چونکو او، حاق يولوندا شهيد اولوب. حاقسيز ايشگنجه‌لره معروض قاليب. ياراداندان تمننا ائديرم روحو شاد اولسون. بو گون ده هميشه اولدوغو کيمي، حلبده شاعيرين آدي ائحتيراملا ياد ائديلير، اونا ايشگنجه وئرنلر لعنت‌لنير».
دوکتور ماحمود اککام معروضه‌سيني عرب موغنني‌سي عبدولواهابين ماهني‌سينداکي چوخ معنالي سوزلرله باشلادي: «گلدينيز، قارداش اولدوق» و نسيمي‌يه محببتله صوفي‌ليکدن سوز آچدي.
سونرا آذربايجانلي نسيمي‌شوناس عاليم سعادت شيخي‌يئوا «نسيمي‌نين عيرفاني گوروشلري» آدلي ماراقلي معروضه ايله چيخيش ائتدي. سون اولاراق حلب اونيوئرسيتئتي‌نين موعلليمي دوکتور حوسئين الصيدديق معروضه‌سينده نسيمي‌نين حيات و ياراديجيليغيندان سوز آچاراق شاعيرين تکجه فيزيکي دئييل، معنوي عذابا دا معروض قالماسيني اون پلانا چکدي.
سونرا ايسه معروضه‌لر اطرافيندا موذاکيره‌لر اولدو و چوخ‌سايلي سواللار جاوابلانديريلدي. منيم «نسيمي هانسي مئيداندا چارميخا چکيليب؟» - سواليم‌لا علاقه‌دار يالنيز اونو دئيه بيلديلر کي، «نسيمي حلب قالاسيندا قتله يئتيريليب».
بيزه قاليرسا، نسيمي «ساعات قوللـه‌سي» اوجالان مئيداندا چارميخا چکيليب. لاپ قديم زامانلاردان آغير جينايت‌لر توره‌دن، گوناهسيز اينسانلاري خوصوصي آمانسيزليقلا قتله يئتيرن آداملاري بورادا سحر-سحر آسارلارميش. بو عادت زمانه‌ميزه قدر داوام ائديب. دوکتور حوسئين الصيدديقين حلب موفتي‌سينه عونوانلاديغي «نسيمي‌نين قتلي ايله باغلي نييه عوذر ايسته‌ييرسينيز؟» - سوالينا دوکتور ماحمود اککامين جاوابي هاميني قانئع ائتدي: «بيز اونا گوره عوذر ايسته‌ييريک کي، حاديثه حلبده باش وئريب. دوغرودور، بو ايشده حلبلي‌لرين هئچ بير گوناهي اولماييب. نسيمي‌نين قتلينه فتوا وئرنلر گلمه‌لر ايدي».
نويابر آيي‌نين 13-ده حلب قالاسيني زييارت ائتديک. عومرومده چوخ قالالار گورموشم. بو موحتشم‌ليکده، بو عظمتده قالان گورمه‌ميشم. يئني ائرادان اوول اينشا اولونان بو قالا 13-جو عصرده مملوکلار و سونرالار عوثمانلي ايمپئريياسي دوورونده برپا اولونموش، مسجيده آذان وئرمک اوچون ميناره علاوه ائديلميشدير. ائله همين گون حلبدن دمشقه يولا دوشدوک.
واختي‌يله حلب‌له دمشق آراسيندا قارا تورکمان خانليغي يئرلشن بو يئرلرده تورکمان کندلرينه راست گلمک اولور. عومومييت‌له، حلب اطرافيندا 60-دان چوخ تورکمان کندي واردير. حلبده بيزيمله گوروشه گلن تورکمانلار چوخ ايدي. اونلار دا آذربايجانجا دانيشيرلار. ايختيصاصجا حوقوق‌شوناس اولان علي اوزتورکمان و ايدخال-ايخراج‌لا مشغول اولان علي بشير بيزدن آيريلمير، تئز-تئز «اوزوموز بوردا، روحوموز آذربايجاندادير» - دئييرديلر.
نويابرين 14-ده آذربايجانين سوريياداکي سفيرلييينده گوروش اولدو. گوروشده بوتون گونو بيزيمله اولان آذربايجانين اييوردانيياداکي سفيري ائلمان آراسلي دا ايشتيراک ائديردي. سفيرليييميز دمشقين ان باخيملي يئري – مززه پروسپئکتينده يئرلشير. بينانين اوستونده آذربايجان بايراغي‌نين دالغالانديغيني، فاساديني ايسه گئربيميزين بزه‌ديييني گوره‌نده اورييميز قورورلا دويوندو. موستقيل‌ليييميزين داديني بير داها دريندن دويدوق. وطنده اينسان عادتن بئله حيس‌لرين فرقينه او قدر وارمير.
اونو دا دئييم کي، سفيرلييين بويوک زاليني عوموم‌ميللي ليدئريميز حئيدر علي‌يئو و سورييانين سابيق پرئزيدئنتي حافيظ اسدين بيرگه پورترئتي، پرئزيدئنتيميز ايلهام علي‌يئوين، ائله‌جه ده آذربايجانين بيرينجي خانيمي مئهريبان علي‌يئوا و سورييانين بيرينجي خانيم اسما الاسدين بيرگه چکيلميش پورترئت‌لري بزه‌يير. همين گونو شهرله تانيشليق‌لا کئچيرديک. اموي‌لر دووروندن اولکه‌نين پايتاختي اولان دمشق گوزل شهردير. اونون گوزلليييني شيمال طرفدن اوزانيب گئدن قاسيون داغ سيلسيله‌سي داها دا آرتيرير. داغين زيروه‌سي باشدان-باشا ايستيراحت يئرلري ايله اورتولموشدور.
دمشق شهرينده ان مشهور يئر اموي‌لر مسجيدي‌دير. بو موحتشم آبيده‌ني ميلادي 705-جي ايلده (86 هـ) خليفه وليد ايبن عبدولمليک تيکديرميشدير. يعقوب پئيغمبر و عرب عالمي‌نين افسانه‌وي قهرماني صلاح‌الدين بورادا دفن اولونموشدور. اودور کي، زييارتگاها چئوريلميشدير. باشقا بير زييارتگاه ايسه ايمام علي‌نين قيزي خانيم زئينبه مخصوصدور. مسجيدي و زييارتگاهي ايرانلي‌لار تيکديرميشلر. بورادا قريبه گورونن بير مسله‌نين شاهيدي اولدوق. زييارتگاهين حيطينده بير-بيريندن جمعي 30-40 مئتر آرالي آذان وئرمک اوچون ايکي ميناره واردير. اونلاردان بيري سونني‌لره، او بيري ايسه شيعه‌لره مخصوصدور.
سورييا ميللي موزئيينده ده اولدوق. بو چوخ زنگين موزئيين بلدچي‌سي بسارين حيات يولداشي آذربايجانلي ايدي. سليمه خانيم بيزيم موزئيه گله‌جه‌ييميزدن خبر توتاراق اوغلانلاري – آلتي ياشلي سامير و دورد ياشلي يوسيف‌له بيزيم گوروشوموزه گلميشدي. اوغلانلارين هر ايکيسي هم عرب، هم ده آذربايجانجا سربست دانيشيرديلار. گوزلريندن وطن حسرتي اوخونان سليمه خانيمين قريب اولکه‌ده اوولادلارينا آذربايجان ديليني اويرتمه‌سي بيزي دويغولانديردي.
نويابرين 15-ده دمشق دوولت اونيوئرسيتئتي‌نين رئکتورو، پروفئسور دوکتور وائل موعللانين گوروشونه گئتديک. رئکتور سفيريميزله قوجاقلاشيب اوپوشدو. ماراقلي‌دير کي، هر يئرده سفيريميزي اوزونونکو کيمي قبول ائدير، قوجاقلاشيب اوپوشور، شيرين-شيرين ظارافات‌لاشيرديلار. بونون سيرري آيدين ايدي. باکي دوولت اونيوئرسيتئتي‌نين شرق‌شوناسليق فاکولته‌سينين مأذونو ماهير علي‌يئو اوزون موددت عرب اولکه‌لرينده ترجومه‌چي ايشله‌ميشدي. هم عرب ديليني موکممل بيلير، هم ده عربلرين عادت-عنعنه‌لريني.
پروفئسور وائل موعللا هاميميزين اليني صميمييت‌له سيخاراق دئدي کي، سيزين سورييايا گليشينيزي ائشيدن کيمي سيزينله گوروشمک آرزوسوندا اولدوغومو بيلديرديم. سونرا او، قيساجا اولاراق اونيوئرسيتئتين فعالييتيندن سوز آچدي. اونيوئرسيتئتده 120 مين طلبه‌نين، 1700 پروفئسور-موعلليم هئيتي‌نين، اونيوئرسيتئتين 16 فاکولته‌سينين، اولکه‌ده يئددي فيلييالي‌نين اولماسيندان، سورييادا بئش دوولت، اون بير اوزل اونيوئرسيتئتين فعالييت گوسترمه‌سيندن، دمشق اونيوئرسيتئتينده عرب، اينگيليس، ژاپون، فارس، فرانسيز ديللرينين اويره‌نيلمه‌سيندن، لاپ ياخين واختدا چين و تورک ديللرينين ده تدريسينه باشلاناجاغيندان و کافئدرالارين آچيلاجاغيندان بحث ائتدي. گلن ايلين فئوراليندا اونيوئرسيتئتده کئچيريله‌جک عئلمي کونفرانسدا ايشتيراک ائتمه‌ييميزي آرزو ائتدي. خوصوصي وورغولادي کي، عئلمي و مدني علاقه‌لر ديگر علاقه‌لره يول آچير.
سفيريميز جاواب نيطقينده تشککور ائتدي و آذربايجان تحصيل سيستئمي حاققيندا معلومات وئردي، طلبه موباديله‌سينين ضروري‌ليييندن سوز آچدي. جناب وائل موعللا بيله‌نده کي، بيزه ترجومه‌چيليک ائدن ائلنور ممدزاده آذربايجانلي‌دير، سفيرلييين ايکينجي کاتيبي‌دير، تعججوب‌لندي و دئدي: «بيز عرب ديليني اوندان اويرنمه‌ليييک».
طبيعي کي، قورور حيسسي کئچيرديک و اوره‌ييميزده باکي دوولت اونيوئرسيتئتي‌نين شرق‌شوناسليق فاکولته‌سينين موعلليم‌لرينه ميننتدار اولدوق.
نويابرين 16-دا دمشده ايکي موهوم گوروشوموز واردي: ميللي ائنسيکلوپئدييا و يازيچي‌لار بيرلييينده.
سورييا ائنسيکلوپئديياسينين پرئزيدئنتي محمد عزيز شوکري قئيد ائتدي کي، ائنسيکلوپئدييا اوزه‌رينده ايشه 1952-جي ايلده باشلاييبلار. 28 جيلدده نشر اولونوب. عرب عالمينده اينانميرديلار کي، بئله بير ايشين عوهده‌سيندن گلمک اولار. ائنسيکلوپئديياميزدا سهولر ده وار. لاکين بونونلا بئله بيز ائنسيکلوپئديياميزلا فخر ائديريک. گله‌جکده سهولري دوزه‌لده‌جه‌ييک. بيز ايندي ايختيصاص‌لاشديريلميش (ساحه‌لر اوزره) ائنسيکلوپئدييالار اوزه‌رينده ايشله‌ييريک. بيرينجي جيلدي 2009-جو ايلده چيخاجاق. ائنسيکلوپئديياميزين دا يئني نشريني حاضيرلاييريق. کانادادا چاپ اولوناجاق. خاهيشيميز بودور کي، آذربايجانلا باغلي مقاله‌لرده سهولر وارسا، اونلار گوسترمکله مقاله‌لر يازماق اوچون بيزه آذربايجان تاريخي، آذربايجان ديلي، اينجه‌صنعتي باره‌ده عربجه معلومات گوندره‌سينيز.
گوزله‌مه‌ديييميز حالدا عزيز شوکري دئدي: «من باکي‌دا اولموشام. باکي و يئمک‌لرينيز چوخ خوشما گليب. آرزو ائديرم کي، قيسمت اولايدي بير ده آذربايجان گله‌يديم».
آکادئميک بکير نبي‌يئو صميمي سوزلرينه گوره جناب عزيز شوکري‌يه تشککور ائتدي: سيزين ائنسيکلوپئدييا باره‌ده بير اونو دئيه بيله‌رم کي، موستقيل دوولتين ائنسيکلوپئديياسي ائله بئله، گوزل اولارميش. بيز سيزه ميننتداريق کي، ائنسيکلوپئدييانيزدا چوخ دوغرو اولاراق ائرمني‌لرين آذربايجانا ايرا و تورکييه‌دن کوچوب گلمه اولدوقلارين دقيقليک‌له گوسترميش‌سينيز. بونونلا برابر، دئمه‌لييم کي، آذربايجانلا باغلي ائنسيکلوپئدييانيزدا وئردييينيز ماتئريياللاردا بير آز کوهنه‌ليک دويولور. سيزه آذربايجان حاققيندا کيفايت قدر ماتئرييال: شکيل‌لر، ايللوستراسييالار، تاريخي سندلر، گورکملي شخصييت‌لر باره‌ده معلومات گوندره‌جه‌ييک.
بکير موعلليم نسيمي ايله باغلي کونفرانسدان، خوصوصن ده قله‌چي‌نين نسيمي‌يه حصر اولونموش «حلب ياقوتو» اثريندن سوز آچاندا ائنسيکلوپئدييانين پرئزيدئنتي‌نين موعاويني نبيل الحففار پيچيلتي ايله منه دئدي کي، ايکي ايل اونجه (2006) عبدولفتتاح قله‌چي‌نين نسيمي‌يه حصر اولونموش «ملک‌الاشراق» («نور حوکمداري») آدلي باشقا بير اثري حلبده صحنه‌يه قويولوب و گوستريليب. پروفئسور نبيل الحففار گوزل خطله موألليفين و اثرين آديني قئيد دفتريمه يازدي.
حقيقتن ده هله حلبده اولارکن عبدولفتتاح قله‌چي‌نين نسيمي‌يه حصر اولونموش اثري‌نين اولدوغو باره‌ده بيزه معلومات وئرميش و قروپوموزون رهبري آکادئميک بکير نبي‌يئوه اثرين بير نوسخه‌سيني باغيشلاميشديلار. «حلب ياقوتو. عيمادالدين نسيمي 771-820 هيجري (1370-1417 ميلادي): حياتي، پوئزيياسي و فلسفي فيکيرلري» (عرب يازارلار بيرلييي‌نين نشريياتي، 1991) آدلانان بو ماراقلي کيتابي، ف.ع.د. ا.حميدووون فيکرينجه، عرب اولکه‌لرينده شاعير حاققيندا ايلک سانباللي اثر حئساب ائتمک اولار. موألليفه گوره، نسيمي‌نين تعقيبه معروض قالماسي و ائعدام ائديلمه‌سي، شاعيرين ديني دئييل، سيياسي باخيشلاري ايله باغلي اولموشدور.[1]
نسيمي‌نين قزللريني شرح ائدن عرب تدقيقاتچي‌سي او قناعته گلير کي، اونون شئعيرلرينده آللاه سئوگيسي ترننوم ائديلير. قله‌چي‌نين کيتابي اوزه‌رينده تدقيقات آپاران آکادئميک ب.نبي‌يئو گوسترير کي، عرب عاليمي ايکي مسله‌نين اوستونده آيريجا دايانير. ياخين و اورتا شرق رئگييونوندا او زامانکي ايجتيماعي، سيياسي و مدني دوروم، نسيمي شخصييتي‌نين مورککب‌لييي و زنگين‌لييي. قله‌چي اونو دا وورغولايير کي، نسيمي هئچ واخت حوکمدارلاري مدح ائدن شئعيرلر يازماميشدير. کيتابين «علاوه‌لر» بولمه‌سينده اکادئميک ب.نبي‌يئوين گوستردييي کيمي، نسيمي‌نين قزل، مثنوي، روباعي و مرثييه‌لريندن نومونه‌لرين عرب ديلينه ترجومه‌سي وئريلميشدير.[2] گوزل احوال-روحييه و تأثثوراتلا حورمتلي عئلم آداملاريندان آيريليب يازيچي‌لار بيرلييينه اوز توتدوق. يازيچي‌لار بيرلييي‌نين صدري دوکتور حوسئين جوما و بيرلييين ايداره هئيتي‌نين عوضولري بيزي بويوک ائحتيرام و سئوينجله قارشيلاديلار. دوکتور حوسئين جوما بيزي يازيچي‌لار بيرلييي‌نين ايشي ايله تانيش ائتدي. معلوم اولدو کي، سورييا عرب يازيچي‌لار بيرلييي‌نين 900 عوضوو وار.
يازيچي‌لار بيرلييي سربستدير. دوولتين هئچ بير استروکتورونا تابئع دئييل. هر بئش ايلدن بير سئچکي اولور. يازيچي‌لار بيرلييي 25 نفردن عيبارت شورا سئچير، شورا ايسه اوز نووبه‌سينده 9 نفردن عيبارت ايداره هئيتيني، ايداره ايسه صدري سئچير. پلان اساسيندا يازيچي‌لارين کيتابلاري چاپ اولونور. خسته‌له‌نن يازيچي‌لارين خسته‌خانا خرجلري اوده‌نير. ياشا دولان يازيچي‌لارا آز-چوخ تقاعود کسيلير. يازيچي‌لار دوولتدن نه ماعاش، نه ده تقاعود آلير. آکادئميک بکير نبي‌يئوين «بس اونلار نه‌يين حئسابينا کيتابلاريني چاپ ائتديريرلر، نئجه دولانيرلار؟» سوالينا دوکتور حوسئين جومانين جاوابيندان معلوم اولدو کي، سورييانين سابيق پرئزيدئنتي حافيظ اسد واختي‌يله دمشقين مرکزينده سککيز مرتبه‌دن عيبارت موحتشم بير بينا تيکديره‌رک يازيچي‌لارا هدييه ائديبميش. بير مرتبه‌ده يازيچي‌لار بيرلييي فعالييت گوسترير، قالان مرتبه‌لري ايسه ايجاره‌يه وئره‌رک الده ائديلن گليرله فعالييت گوسترير و دولانيرلار. دوکتور حوسئين اونو دا دئدي کي، چين و روسييا ايله کيتابلارين چاپي باره‌ده موقاويله‌لري واردير. آرزو ائتدي کي، آذربايجان يازيچي‌لار بيرلييي ايله ده گله‌جکده بئله بير موقاويله باغلانسين. دينيميزين، عادت-عنعنه‌لريميزين، دئمک اولار کي، بير اولدوغوندان اوخوجولار هر ايکي اولکه‌ده چاپ اولونان کيتابلارا داها چوخ ماراق گوستررديلر.
آکادئميک بکير نبي‌يئو ماراقلي معلومات اوچون تشککور ائتدي و دئدي کي، پروفئسور ق.پاشايئو يازيچي‌لار بيرلييي‌نين تفتيش کوميسسيياسينين صدري‌دير. تکليف ائديرم يازيچي‌لار بيرلييي‌نين فعالييتي و استروکتورو باره‌ده او دانيشسين.
من حاضيردا يازيچي‌لار بيرليييميزين 1400-ه ياخين عوضوو اولدوغوندان، رهبر اورقانلارين بئش ايلدن بير يازيچي‌لارين قورولتاييندا سئچيلديييندن، يازيچي‌لار بيرلييي‌نين صدري، دورد کاتيبي اولدوغوندان، تانينميش يازيچي‌لارين يوبلئي‌لرينين يوکسک سوييه‌ده کئچيريلمه‌سيندن، پئنسييايا چيخاندا اونلارا تقاعود وئريلمه‌سيندن، خالق قارشيسيندا خوصوصي خيدمتلري اولان يازيچي‌لارا يوکسک پرئزيدئنت تقاعودو وئريلمه‌ييندن، آيليق «آذربايجان»، «اولدوز»، «قوبوستان» ژورناللارينين و هفته‌ليک «ادبييات قزئتي»نين دوولتين کومه‌يي ايله نشريندن، يازيچي‌لار بيرلييي‌نين اوچ‌مرتبه‌لي بيناسينين پرئزيدئنتيميزين آييرديغي وساييط حئسابينا تعمير و برپاسيندان، تعميردن سونرا آچيليشدا موحترم پرئزيدئنتيميزين شخصن ايشتيراکيندان، ايستئعدادلي گنج يازارلارا دوولت قايناغيندان، اونلارا دا پرئزيدئنت تقاعودو وئريلمه‌سيندن و ساييردن سوز آچديم.
آ.م.ع.آ-نين موخبير عوضوو تئيمور کريملي عرب-آذربايجان ادبي علاقه‌لريندن دانيشدي. دوکتور حوسئين جوما تئيمور کريملي‌نين تکليفينه طرفدار چيخاراق دئدي کي، بو ايشه آنتولوگييا ايله باشلاماق داها ياخشي اولار. سورييادا آذربايجان ادبيياتي آنتولوگيياسي، آذربايجاندا سورييا ادبيياتي آنتولوگيياسي بوراخيلسا، اوخوجولارين تصووورو داها دولغون اولار.
شاعيره فادييه گئيبول قئيد ائتدي کي، دانيشيغينيزدا